ჩემო უსაყვარლესო მკითხველებო თუ ზაფხული გიყვართ ვიზიარებ თქვენს მწუხარებას, მაგრამ თუ არ გიყვართ გილოცავთ... დამთავრდა... თან ძალიან გული დამწყდა ამჯერად. ისე გაირბინა ამ ზაფხულმა, რომ ნორმალურად ვერც დავისვენე. თითქმის სულ თბილისში ვიყავი... ბოლოს ვიფიქრე მთელი წელი ქალაქიდან ვერ გავალთქო (იმიტომ რომ აბიტურიენტი ვარ) და გადავწყვიტე ხაშურში წასვლა.
კარგია ხაშური. სიგრილე და სიმშვიდე. პირადად მე კარგად დავისვენე. შეიძლება ითქვას წამოსვლა აღარ მინდოდა. მოკლედ ზაფხული მთლიანობაში არცისე კარგად გავატარე. თბილისური დასვენება ნამდვილად არაა კარგი და არც თქვენ არ გირჩევთ :) აბა დროებით ზაფხულო :) იმედია მომავალ წელს ჩაგბარდები, როგორც სტუდენტი (ან სულ მინიმუმ ატესტატიანი ყმაწვილი).
Monday, September 5, 2011
Friday, August 26, 2011
დროებით!
ჩემო ერთგულებო :)) ძალიან მიყვარს ყველა ის ადაიანი, ვინც თუნდაც ერთხელ შემოვიდა ჩემს ბლოგზე და თვალი გადაავლო ჩემს უაზრო ან აზრიან პოსტებს :) მე თქვენი ერთგული ვარ :) ახლა უნდა წავიდე, ცოტა დავისვენო :) დაგიბრუნდებით დაახლოებით 1 კვირაში (ან შესაძლოა არასდროს)... იცოდეთ რომ მე თქვენ ყოველთვის მეყვარებით :) ყურადრება მიაქციეთ ჩემს პატარა "თავისუფალ ბლოგს"... <3
ხალხს "ლაიქები" ენანება!!!
ცოტა არ იყოს და ნერვები მეშლება! მესმის რომ დღეს ისეთი მდგომარეობაა, შეიძლება ადამიანს თხოვო ფულით, საჭმელით, სასმელით ან ტანსაცმლით დახმარება, მაგრამ ვერ დაგეხმაროს. ეს ყველაფერი ნორმალურია, მაგრამ რატომ უნდა დაგენანოს 1 Facebook-ის ლაიქი (LIKE) მაშინ, როცა ამით არც ფული გაკლდება და არც სხვა ზემოთ ჩამოთვლილი არაფერი!!!
ყველაზე მეტად ყოველი ასეთი თხოვნისას, მაოცებს პასუხი- "შენ რომ დაგეხმარო, ამით მე რა სარგებელი მექნება?" და კიდევ სხვა ამგვარი პასუხები...
სიტყვებიც არ მაქვს, რომ დავწერო... გარდა ერთისა: "სამწუხაროა და საშინელი"...!!!
და მაინც :) დამეხმარეთ და დაალაიქეთ ეს ფოტო! :)
Wednesday, August 24, 2011
Thursday, August 18, 2011
მიწისძვრაგამოვლილი ბლოგი!
ეჭვი მაქვს, რომ ჩემი ბლოგი პირველი განიხილავს დღევანდელ მიწისძვრას :) როგორც ქალბატონი ნანუკა იტყოდა "ექსკლუზივი თავისუფალ ბლოგზე"!!!
18 აგვისტო ჩემთვის არაფხიზელ მდგომარეობაში დაიწყო, მაგრამ ეს ალბათ ნაკლებად საინტერესო იქნება :) შუადღის ზუსტად 4 საათი იყო, როცა უსაქმურად ვიჯექი Facebook-ში და ერთ-ერთ მეგობრისგან გავიგე, რომ მიწა შეზანზარებულა ანუ მიწისძვრა მომხდარა. მე კი არაფერი გამიგია :D პრინციპში რას გავიგებდი, ბოლო ხმაზე ვუსმენდი რარაცეებს და მთლიანად ოთახი ისეც "ყანყალობდა". ეს ინფო გადავამოწმე. ფორუმზე რომ შევედი პირველად პირველად დავინახე ასეთი რაღაც :D ყველა განყოფილებაში იყო გახსნილი თემა მიწისზვრასთან დაკავშირებით.მერე რაღაცეები კიდევ გავარკვიე და გახარებული დავრჩი, რომ საერთოდ დავრჩი აქ :)
ხო და კიდევ! კარგად იმოქმედა ამ მიწისძვრამ ერთ-ერთი სადაზღვეოს რეკლამაზე. Facebook-ზე მათ დაწერეს: "ისეთი მოულოდნელობების წინასწარ გათვლა, როგორიცაა მიწისძვრა, ან სხვა სტიქიური უბედურებაა, სამწუხაროდ, შეუძლებელია. გაუთვალისწინებელი მოვლენების შედეგად დამდგარი ფინანსური ზარალისაგან დაცვის ერთ-ერთი ყველაზე ეფექტური საშუალება დაზღვევაა, ამიტომ დააზღვიეთ თქვენი ქონება და იცხოვრეთ მშვიდად".
ახლა ველოდები კიდევ პატარა მიწისძვრებს, ქართველმა სეისმოლოგებმა დაგვაიმედეს კიდევ იქნებაო (უნდა დავუჯეროთ! პროფესიონალებ არიან!!!) და იქნება ახლა მაინც ვიგრძნო რამე :დ
Monday, August 15, 2011
მზის სახლის ფინალი
25 მაისს დაიწყო და დაიწყო... თავიდან დიდი ინტერესით ვუყურებდი, თუნდაც იმიტომ, რომ ძალიან ხმამაღალი განაცხადი გააკეთა ტელეკომპანია მზემ- "ასეთი პროექტი საქართვველოში ჯერ არ ყოფილა... ეს იქნება ყველაზე მასშტაბური რელითი შოუ"... მეორე მიზეზი ის იყო რომ ჩემი მეგობარი მონაწილეობდა- სალი სორდია. რაღა დაგიმალოთ და მეც გავგზავნე ანკეტა, მაგრამ პასუხად მომივიდა, რომ მე ასაკი ხელს არ მიწყობს პროექტში მონაწილეობის მისაღებად. მოკლედ ბევრი რომ არ გავაგრძელოთ 3 თვე გრძელდებოდა პროექტი... ზოგი მიდიოდა და ზოგი მოდიოდა (მაგრამ უკან მიდიოდნენ უმეტესწილად). იყო ბევრი ინტრიგა, კამათი, ხელით შეხება, ცრემლები, მონატრება, გაგდება, სიყვარული... მთლიანობაში პროექტი არცისე უინტერესო იყო. დიდხანს ველოდით ვინ დაიკავებდა VIP ოთახს. როგორც იქნა გამოჩნდა გაბედული წყვილი დათო და ნინის სახით. ნელ-ნელა მივუახლოვდით ფინალს. მოდით განვიხილოთ ფინალი.
დავიწყოთ იქედან, რომ როგორც დავასკვენი ტელეკომპანია მზეს არ აქვს არანაირი ბიუჯეტი, რადგან მონაწილეები 1 დგით ადრე გაუშვეს სახლში. ნუთუ ამხელა ტელევიზიას იმის საშუალება არ აქვს, რომ რეალითი სოუს 10 მონაწილეს საკუთარი სახსრებით გაუკეთოს გრიმი, ჩააცვას და სალონში წაიყვანოს?! ეს უხეშად რომ ვთქვათ "გავატაროთ". 14 აგვისტოს ერთ-ერთი რესტორნის "ეზოში" 21:10 წუთზე დაიწყო ფინალური შოუ. აპარატურის დონე იყო ნული (0), სცენა საერთოდ არ არსებობდა, ძველი მონაწილეები არავის გახსენებია და მიწვევაზე ხომ ლაპარაკიც ზედმეტია. პრიზები ყველა მონაწილესო და არცისე სახარბიელო პრიზები გადასცეს მათ :D ნაზღაიძის გადასვლები ერთი ადგილიდან მეორეზე, სტუმრების, მონაწილეებისა და წამყვანების უაზროდ ხეტიალი და უაზრო რეპლიკები. აი ეს იყო ფინალი...
მივედით გამარჯვებულებამდე როგორც იქნა. ბექა ელბაქიძე მივიდა მიკროფონთან (რომელშიც ხმა ძლივს ისმოდა) და გამოაცხადა რომ მისი რჩეული გახდა ადამიანი, რომელიც მომავალი სეზონის განმავლობაში იქნება ტელეკომპანიის თანამშრომელი და "მზის სახლი 2"-ს წამყვანი (თანა) და ეს ადამიანი გახდლავტ გიორგი ნაზღაიძე... ერთადერთი მუხტი, რაც ამ სიტყვების შემდეგ ვიგრძენი, იყო მთვრალი ნაზღაიძის ემოციების გამოხატვა ტირილით და ხტუნვით.
შემდეგ უკვე გამარჯვებული წყვილი უნდა გამოვლენილიყო. და ეს გახდა ნინი ჟიჟავაძე და დათო ხაბულიანი. ისინი 1 კვირით ევროპაში გაემგზავრებიან. აქვე იმასაც დავამატებ, რომ ხაბულიანი ტელეკომპანია მზეშიც იმუშავებს. თუმცა არც ეკას და ძიკის წყვილი დარჩენილა ისე. შეიძლება ითქვას, რომ გამარჯვებული მათი წყვილია. მათ მოიგეს ავტომობილი, რომელიც 1 კვირიან მოგზაურობას აშკარად ჯობია.
მაშ ასე დამთავრდა მზის სახლი 1... დაველოდოთ, ვინ იცის იქნებ მზის დანაპირები მეორე სეზონზე მაინც გამართლდეს.
P.S. ეს არ იყო მზისადმი და უშუალოდ პროექტისადმი აგრესიის გამოხატვა! მე უბრალოდ ჩემი სეხედულებები გაგიზიარეთ! იმედია 2 სეზონზე მაინც შევალ იქ და შეგხვდებით! :)
Subscribe to:
Posts
(
Atom
)